د هرات ښاروال او مل پلاوي د ښار په بېلابېلو ناحیو کې د پراختیايي پروژو د چارو له بهیر څخه لیدنه او څارنه وکړه.
د هرات ښار په پنځلسګونو ناحیو کې د پراختیايي پروژو د چارو له بهیر څخه د ښاروالۍ د رهبرۍ او مسئولینو د نظارتي پروګرامونو په دوام، دا ځل د هرات ښاروال محترم الحاج مولوي حمدالله نعماني، د دفتر، نظارت او ارزونې آمریتونو له آمرینو او د اړوندو برخو له یو شمېر انجنیرانو سره یوځای، د تېرې چهارشنبې ورځې، د ۱۴۰۵ هـ.ش کال د سنبلې میاشتې په ۲۵مه، چې د ۱۴۴۸ هـ.ق کال د ربیعالثاني میاشتې له ۳مې سره سمون خوري، د ښار په بېلابېلو ناحیو کې د لویو پراختیايي پروژو؛ د هرات حوزوي روغتون ته مخامخ د طبي سوداګریز مجتمع د ځمکلاندې لارې د جوړولو، له تخت صفر څخه تر غیاثیه پوهنتون پورې د حلقوي سړک او پر قارون سیند د پله د جوړولو پروژو له چارو څخه لیدنه او څارنه وکړه.
د هرات ښاروال د دې لیدنې او څارنې پر مهال د قراردادي شرکتونو مسئولینو ته لارښوونه وکړه، چې د پروژو چارې د تخنیکي معیارونو له مخې او په ټاکل شوې موده کې بشپړې کړي او د پروژو د تطبیق په بهیر کې له هر ډول ځنډ څخه مخنیوی وکړي.
له بلې خوا، د یادو پروژو د قراردادي شرکتونو مسئولینو هم د هرات ښاروال په حضور کې ژمنه وکړه، چې د ژمي موسم د رانږدې کېدو په پام کې نیولو سره به د پروژو د چارو د تطبیق بهیر چټک کړي.
